Քննարկվել է Ռուսաստանից կախվածության թուլացման ռազմավարությունը
Շաբաթ օրը, մարտի 2-ի Մարտական եղբայրության քաղաքական խմբի հերթական հավաքը
Շաբաթ օրը, մարտի 2-ին տեղի ունեցավ Մարտական եղբայրության քաղաքական խմբի հերթական հավաքը:
Հավաքը վարում էր Միաբանության քաղաքական խմբի համակարգող Աշոտ Տերտերյանը:
Քննարկվել է հայ-ռուսական հարաբերությունների խնդիրը, Ռուսաստանից կախվածության թուլացման ռազմավարությունը։
Եղել է ընդհանուր դիրքորոշում, որ անհրաժեշտ է մշակել Ռուսաստանից կախվածության թուլացման քաղաքականություն։
Երկու տարբերակ է դիտարկվել՝ կտրուկ անկախացում և աստիճանական՝ դրանց դրական և բացասական կողմերով։
Նշվել է, որ Ռուսաստանից կախվածության խնդիրը չի կարող լուծվել մակերեսային, զուտ հռչակագրային մակարդակում, ինչպես դա փորձում են այսօր ներկայացնել իշխող խմբի ներկայացուցիչները կամ նրանց կողմնակիցները: Նեղացած մանուկների հոգեբանությունն այստեղ ճիշտ հիմք չէ:
Կախվածությունն ունի շատ նյութական հենք, և պետք է գտնվեն նյութական լուծումներ: Անհրաժեշտ է էներգետիկ, տնտեսական, ռազմական անկախության ծրագիր, որպեսզի արդյունքում թուլանա նաև կախվածությունը Ռուսաստանից։
Եղել է ըմբռնում, որ Ռուսաստանից կախվածության թուլացման հարցը չափազանց լայն հարց է, և քննարկումը պիտի շարունակվի։
Միաժամանակ կա փոխըմբռնում, որ Մարտական եղբայրությանը հետաքրքիր չէ «գաղափարական» հակառուսականությունը, ինչպես և արևմտյան կողմնորոշումը: Մարտականի դիրքորոշման հիմքում ինքնիշխանական, այլ ոչ թե կողմնորոշումային մոտեցումն է: