«Իսրայելը և Միացյալ Նահանգները ճշգրիտ հետախուզական տեղեկատվություն ունեին մոտալուտ հարձակման մասին: Իսրայելի վրա հարձակման ժամը, թիրախներն ու սպառազինության համակարգերը հայտնի էին դրա սկսվելուց մեկ օր առաջ։

▪️Որոշ անօդաչու սարքեր ստիպված են եղել մոտ ինը ժամ թռչել դեպի Իսրայել։

Ամերիկյան զինուժը կարողացել է անօդաչուներին խոցել «օդ-օդ» հրթիռներով։

Իսրայելական F-15 և F-35 կործանիչները միացել են ԱՄՆ բանակին՝ ստանձնելով Հորդանանի և Սիրիայի օդային տարածքում անօդաչու թռչող սարքերի դեմ պայքարը։

▪️Իրանի կողմից արձակված թեւավոր հրթիռները, ըստ երևույթին, խոցվել են Հորդանանի տարածքում

▪️Իր բարձր տեխնոլոգիական ՀՕՊ համակարգերի շնորհիվ Իսրայելին հաջողվել է խոցել իրանական ներգնա բալիստիկ հրթիռների ավելի քան 90%-ը»։

Արդյունքը լիակատար ֆիասկո է՝ «դարի վրեժի» փոխարեն։

Զգալով անխոցելիություն և աջակցություն՝ Իսրայելը կշարունակի հարվածներ հասցնել իր համար խնդրահարույց պետությունների տարածքում գտնվող թիրախներին, դրա վառ օրինակն է վաղ առավոտից հրթիռային հարվածները Լիբանանի տարածքում գտնվող խմբավորումների հենակետերին:

Պաշտպանական գործողությունների ընթացքում Իսրայելի և դաշնակիցների ֆինանսական ծախսերը հասել են 1,5 մլրդ-ի: