Օգոստոսի 7-ին՝ ժամը 19:00

Քննարկումը վարելու է Նաիրա Սուքիասյանը։

Կայծակի համար անհրաժեշտ է դրական էներգիա և բացասական էներգիա: Եթե իրականությունը ակնառու չդարձնի բացասական երևույթը, ապա ինչպե՞ս հակադրենք նրան դրական զարգացումը: ՈՒրեմն՝ կեցցեն կոնֆլիկտները:

Համաշխարհային ճանաչում վայելող ավստրիացի կոնֆլիկտաբան Ֆրիդրիխ Գլազլը մշակել է կոնֆլիկտների էսկալացիայի կամ լուծումների մի մոդել, որը կիրառելի է բազմատեսակ կոնֆլիկտների դեպքում՝ սկսած դպրոցից մինչև միջպետական կոնֆլիկտներ: 

Մենք էլ կքննարկենք ներկայիս՝ ներքին ու արտաքին կոնֆլիկտներըն ըստ կոնֆլիկտի էսկալացիայի փուլերի մոդելի:

Ըստ այդմ՝ յուրաքանչյուր վեճ անցնում է 3 փուլ և 9 աստիճան:

Երբ կոնֆլիկտի կողմերը գիտակցում են, թե էսկալացիայի սանդղակի որ աստիճանի վրա են կանգնած, նրանք հնարավորություն ունեն կոնֆլիկտը վերլուծելու և դեռ կոնֆլիկտի ընթացքում ավելի ճիշտ արձագանքելու:

Գուցե մեր համատեղ գնահատականը նոր տեսակետներ և նոր հնարավորություններ բացի:

Գիտակցությունը կարող է ընդլայնվել միայն անցած փորձի կիրառման հիման վրա: