Մարտական եղբայրությունը ոչ միայն ունի և ստեղծում է քաղաքական բովանդակություն, այլև մեր ամբողջ գործունեությունը հիմնված է և բխում է բացառապես իրավիճակի քաղաքական վերլուծությունից և գնահատականից:
Ասում են, իբր, Մարտական եղբայրությունը քաղաքական բովանդակությունից զուրկ, «ֆիդայական» կառույց է: Ճիշտ չէ:
Մարտական եղբայրության անդամ Հրանտ Տեր-Աբրահամյանը գրում է՝
Քանի որ Մարտական եղբայրության անունը շատ շոշափվեց, ճիշտ եմ համարում նախնական մի քանի բան գրել Մարտականի մասին:
Նախ փորձեմ ներկայացնել կազմակերպչական մասը հընթացս հերքելով մի քանի պիտակավորում:
ա. Ասում են, իբր, Մարտական եղբայրությունը քաղաքական բովանդակությունից զուրկ, «ֆիդայական» կառույց է:
Ճիշտ չէ:
Մարտական եղբայրությունը ոչ միայն ունի և ստեղծում է քաղաքական բովանդակություն, այլև մեր ամբողջ գործունեությունը հիմնված է և բխում է բացառապես իրավիճակի քաղաքական վերլուծությունից և գնահատականից:
Ընդ որում ոչ թե միայն ընթացիկ, այլև հիմնարար մակարդակում:
Դա արվում է ռեգուլյար և սիստեմատիկ կերպով:
Ծանոթանալու համար այդ բովանդակությանը կարող եք նայել հատկապես մեր յություբյան ալիքը:
Այդտեղ կան «Քաղաքական օրագիր», «Մեր Պայքարը», «Ինչ կա֊չկա» և այլ շարքերը, որոնք թարմացվում են շաբաթը կամ երկու շաբաթը մեկ:
Բացի այդ` նույն յութուբյան ալիքում կարող եք նայել «Գաղափարական դասեր» և «Ռազմական պատմություն» փլեյլիստերը:
Հատկապես առաջինում տրված են վերաբերմունքը իրավիճակի հանդեպ և ելքերի ուրվագծերը:
Նաև կգտնեք անցած տարվա հոկտեմբերին մեր դահլիճային հավաքի նյութերը, որտեղ նույնպես գերակայում է քաղաքական վերլուծական խոսքը:
- Իբր, Մարտական եղբայրությունում միայն մեկ հոգի է ստեղծում քաղաքական բովանդակային խոսք:
Սա էլ ճիշտ չէ:
Համոզվելու համար կարող եք մեր յություբում և կայքում դիտել մեր անդամներ Աշոտ Տերտերյանի, Ժուրեմ Պողոսյանի նյութերը, նաև հարցազրույցները Հովսեփ Ղազարյանի, Մասիս Շիրոյանի և մյուսների հետ:
Հատկապես Աշոտ Տերտերյանի «Փիլիսոփայական քայլ առաջ» կոնցեպցիան մենք ընդունել ենք որպես մեր քաղաքական հիմքերից մեկը:
Իբր, Մարտական եղբայրության անդամները բացառապես «հրացանակիներ են», պատերազմից բացի այլ բան չիմացող, փորձ չունեցող մարդիկ:
Սա բացառիկ սուտ է:
Այսօր մեր թիմում են նախկինում փոխմարզպետ, փոխնախարար, Արցախի ԱԺ պատգամավոր, ԲԷՑ-ի պետի տեղակալ, գյուղապետ և այլ կառավարչական պաշտոններ զբաղեցրած մարդիկ:
Ունենք նաև քաղաքական կենսագրություն ունեցող շատ այլ անդամներ, ինչպես նաև ծրագրավորողներ, գիտնականներ, կրթության մասնագետներ, մանկավարժներ, սպորտսմեններ և այլն:
Այո, Մարտական եղբայրության կորիզը պատերազմի մասնկիցներ են: Չգիտեմ ինչու է դա ոմանց վախեցնում: Երևի այն պատճառով, որ իրենց պեսների կյանքը պաշտպանվել է այդ մարդկանց կողմից:
Հենց այս մարդկանց մեջ էլ կան և’ քաղաքական կենսագրություն ունեցողներ, և’ նախկինում կառավարչական պաշտոններ զբաղեցրածներ, և’ գիտնականներ ու ծրագրավորողներ:
Այս ամենը կփորձենք հետագայում ավելի մանրամասն ներկայացնել:
Շարունակելի:
