Մարտական եղբայրությունն ու Կողբ հիմնադրամը հայտարարում են «ԿԱՄՔ» Վ. Սարգսյան գրական 2-րդ մրցույթի կանոնները:

• Մրցույթին կարող են մասնակցել արցախյան պատերազմների, ինչպես նաև սահմանային բախումների մասնակիցները։
• Ստեղծագործությունների թեմատիկ ընտրությունն ազատ է։
• Կարող են ներկայացվել գեղարվեստական, վավերագրական, վերլուծական աշխատանքներ

​

Ներկայացվող ստեղծագործություններ․

Ներկայացվող ստեղծագործությունների թեմատիկ ընտրության սահմանափակումներ չկան։ Ստեղծագործողներն ազատ են իրենց ստեղծագործության թեմայն ընտրության մեջ։

• Ներկայացվող ստեղծագործությունների ծավալը չի սահմանափակվում, սակայն այն պետք է համապատասխանի տվյալ ժանրին և ոճին բնորոշ ողջամիտ և ընդունված չափերին։
• Ստեղծագործությունները չպետք է հրատարակված լինեն, պետք է ուղղակի կամ անուղղակի կերպով արտացոլեն Արցախյան առաջին և երկրորդ պատերազմները:

Գրական ոճեր

Գեղարվեստական - Արձակ (պատմվածք, վիպակ, վեպ և այլն):

Վավերագրական (վավերա-գեղարվեստական) - Օրագրեր, հուշեր, գրառումներ, որոնք կարող են ունենալ գեղարվեստական տարրեր, բայց պետք է արտացոլեն միայն իրական, վավեր դեպքեր։

Վերլուծական - Առանձին ռազմական դրվագների կամ ամբողջական գործողությունների, ճակատների, ռազմական մասնագիտական վերլուծություն, ռազմական դրվագների կամ ամբողջական գործողությունների փորձի իմաստավորում, համակարգում և/կամ ռազմական փորձից բխող առաջարկների փաթեթ։

​

Գրական սեռեր

Ուղղակի կերպի օրինակներ՝

• Ռազմական գործողությունների նկարագրություն՝ վավերագրական, գեղարվեստականացված;
• Ռազմական գործողություններին մասնակցության վերապրման, փորձի նկարագրություն;
• Ռազմական գործողությունների վերլուծություն, փորձի ամփոփում:

Անուղղակի կերպի օրինակներ՝

Պատերազմին մասնակցության փորձի վրա հիմնված ընդհանրացումներ՝ գեղարվեստական, էսսեիստական և այլն: Վեջրիններս պարտադիր չէ, որ արտացոլեն կամ նկարագրեն կոնկրետ և իրական դեպքեր, կամ էլ վերաբերեն պատերազմին բառացի, սակայն պետք է առնչվեն պատերազմին մասնակցելու փորձին կամ հիմնվեն դրա վրա։

​

Մրցանակներ

• Մրցանակները սահմանվում են անկախ ներկյացված ստեղծագործության սեռից և ժանրից
• Ըստ հայեցողության և հանգամանքների՝ ժյուրին կարող է սահմանել հատուկ մրցանակներ, օրինակ՝ պատերազմում զոհվածների նյութերի, մրցույթի առավել երիտասարդ տաղանդավոր մասնակցի, ռազմական վերլուծության համար և այլն։

​

Մրցանակային տեղեր․

1 -ին մրցանակ՝ 700,000 ՀՀ դրամ

2 -րդ մրցանակ՝ 500,000 ՀՀ դրամ

3 -րդ մրցանակ՝ 300,000 ՀՀ դրամ

Հատուկ մրցանակ՝ 300,000 ՀՀ դրամ

Հատուկ մրցանակը սահմանվում է լավագույն վերլուծական աշխատանքի համար։

​

Հայտերի ներկայացում

Դիմելու կարգ

Մրցույթին դիմելու համար անհրաժեշտ է ստորև նշված փաստաթղթերն ուղարկել info@kamq.org էլ հասցեին`

• Անձը հաստատող փաստաթուղթ
• Ինքնակենսագրություն
• Ստեղծագործությունը թվայնացված տարբերակով

Ժամանակացույց

• Հայտերի ներկայացման վերջնաժամկետն է 2024 թ.-ի հունիսի 1-ը:
• Մրցույթի արդյունքների հրապարակման վերջնաժամկետն է 2024 թ.-ի սեպտեմբերի 21-ը:

​

Հարցերի դեպքում խնդրում ենք զանգահարել +374 33 00-77-33 հեռախոսահամարին։