Դեկլարատիվ հակառուսականությունը
Հայաստանի կառավարության «հակառուսականությունն» իրականում մանկական փուչիկ է, և ոչ միայն չի խոչընդոտում ռուսական շահերին, այլև ձեռնտու է ռուսներին:
![](https://firebasestorage.googleapis.com/v0/b/miabanutyun-84e26.appspot.com/o/images%2F8ctmd_Screenshot%202024-03-13%20203805_1536x1536.webp?alt=media&token=e4ba5c0a-168d-4596-b26f-6f8491259848)
Հայաստանի կառավարության «հակառուսականությունն» իրականում մանկական փուչիկ է, և ոչ միայն չի խոչընդոտում ռուսական շահերին, այլև ձեռնտու է ռուսներին: Ռուսաստանի թիվ մեկ գործիքը մնում է Ադրբեջանի բանակը: Դրան դիմակայելու կարողությունը թիվ մեկ պայմանն է հակազդելու ռուսական քաղաքականությանը: Երկրորդը՝ ռուսական տնտեսական ազդեցությունն է: Նոր վերջում գալիս է ՀԱՊԿ-ն և այլն: Եթե չես լուծում իրական նյութական խնդիրը՝ ադրբեջանական բանակին դիմակայությունը, ապա ընդամենը ռուսների համար ալիբի ես ստեղծում: Իսկ ռուսներին այժմ պետք է մեծ ալիբի, ավելի մեծ քան 2020-ին: Ցայսօր Հայաստանի կառավարությունը մի սանտիմետր իսկ դուրս չի եկել ռուսական մեծ պլանից՝ սկսած նոյեմբերի 9-ի հայտարարությունից մինչև «Ղարաբաղը տանք անկախության դիմաց» իդիոտիկ ծրագրի: Ադրբեջանը շարունակում է մնալ Ռուսաստանի դաշնակիցն ու գործընկերը ու չի պատրաստվում պոկվել ռուսներից հանուն հայերի սիրուն աչքերի: