Բարև ձեզ սիրելի’ մարտական ընկերներ, հարգելի հյուրեր։

Այօրվա մեր հավաքը ես ընկալում եմ հետևյալ կերպ.

Մենք հավաքվել ենք վերջ տալու մի կործանարար, և ամոթալի կեղծիքի, որը չգիտենք ում և ինչ ուժերի շահերից է բխում։ Այդ կեղծիքը, ցավոք սրտի, կարողացան տարածել ժողավրդի մեջ, այն է՝ հայ ժողովուրդը ջաղջախված է, այլևս երկար տարիներ չի կարողանա պատերազմել և պայքարել հանուն իր անկախության և տարածքային ամբողջականության։

Ինքս 2020 թվականի պատերազմում կրած պարտությունից այնքան չեմ ընկճվել որքան այն մտքից, որ այս պարտությունը կարող է մեզ կոտրել և անկարող դարձնել շարունակելու պայքարը։ Պարտությունները, հաղթանակները կգան ու կգնան, բայց, եթե պայքարի ոգին կոտրվեց, այլևս ոչ հաղթելու և ոչ էլ պարտվելու առիթ չենք ունենա. պարզապես ժամանակի ընդացքում կվերանանք որպես ազգ և պետականություն։

Վերոնշյալն է պատճառը, որ մենք այսօր հավաքի են հրավիրել մեր մարտական ընկերներին։ Այսօր այստեղ մենք պետք է փաստեն՝

– պայքարող և մարտնչող, պատերազմից չվախեցող տեսակը կա Հայաստանում,

– հաջորդ իսկ պատերազմին մենք շարունակելու ենք կռվել, վաղն իսկ պատերազմ սկսվի գնալու ենք ռազմաճակատ,

– եթե նույնիսկ հարյուր տոկոսով վստահ լինենք, որ պարտվելու ենք, դարձյալ կռվելու ենք։

– Կոչ ենք անում Հայաստանի Հանրապետության այն քաղաքացիներին, սփյուռքի մեր հայրենակիցներին, ովքեր վստահաբար գիտեն, որ այս պարտությունը ժամանակավոր է, համախմբվել և ջաղջախել տիրող պարտվողական տրամադրությունները , միասնաբար պատրաստվել հաջորդ հաղթանակին, հանուն մեր երկրի, հանուն մեր ընկած եղբայրների և իրենց ընտանիքների և, որ ամենակարևորն է, հանուն անկախ և ինքնիշխան Հայստանի Հանրապետության։ Հպարտ և շնորհակալ ենք, որ դուք կաք, տղե’րք։

2021 թվականի սեպտեմբերի 26

Սարդարապատ