ՎիԿա վերլուծական կենտրոնը անցած շաբաթվա ընթացքում դիտարկել է Ադրբեջանի գերատեսչությունների և տեղեկատվական հիմնական խողովակների հրապարակումները:

Փաշինյանի գովքը ադրբեջանական մամուլով

Սկսենք Նիկոլ Փաշինյանի նկատմամբ անթաքույց գովքից, որի պատճառը վարչապետի վերջին հայտարարություներն են:

• «Փաշինյանը կոչ է անում հրաժարվել պատմական Հայաստանից»
• «Լեռնային Ղարաբաղի հարցը Հայաստանի համար վակված է»
• «Փաշինյանը պատրաստ է վերադարձնել 90-ականներին Հայաստանի կողմից գրավված հողերը»

Այս և նմանատիպ վերնագրերով հոդվածներ հրապարակվեցին haqin .az,media .az, meydan tower իշխանամերձ տեղեկատվական խողովակները

Առանձնահատուկ ուշադրության արժանացավ Նիկոլ Փաշինյանի այն սխալասացությունը, որ ադրբեջանականը պիտի անցնի Ադրբեջանին, իսկ հայկականը Ադրբեջանին:

Հայաստանի Հանրապետության վարչապետի խոսքի սայթաքումը, անվանվեց Ֆրոյդյան:

Իրան-Իսրայել հակամարտություն

Caliber .az,minval .az,haqin .az և այլ ալիքներ Իրանի օդային պատասխան հարվածը անվանեցին անհաջող, պատրաստվեցին ծաղրանկարներ, Իրանը ներկայացվեց որպես թույլ և անօգնական:

Ռուսաստան-Արևմուտք

Արտատպվեցին Ռուսաստանի արտաքին գերատեսչության բարձրաստիճան պաշտոնյաների արևմուտքին և Հայաստանին ուղղված սպառնալիքները, պահպանվեց նաև հակարևմտականության գիծը, ԱՄՆ-ն մեղադրվեց Հայաստանի Հանրապետությանը զինելու մտադրության մեջ:

Շեշտվեց նաև Բաքվի մտահոգությունը, այն մասին թե ինչ կարող է լինել, եթե հանկարծ արևմտյան աջակցության դեպքում Հայաստանի Հանրապետությունում իշխանության գան ազգայնական ուժերը:

«Փոխհատուցում» և վերադարձ

ՈՒշադրության արժանի է Ադրբեջանի կողմից Հաագայի միջազգային դատարանում Հայաստանի Հանրապետությունից «փոխհատուցում» պահանջելու փաստը և «Արևմտյան Ադրբեջան» կոչվածի թվով երկու հայտարարություները Հայաստանի Հանրապետության տարածք ադրբեջանցիների «վերադարձի» մասին:

Ադրբեջանի ՊՆ

Հայաստանի Հանրապետության կողմից ադրբեջանական դիրքերի վրա կրակելու մասին Ադրբեջանի ՊՆ-ն շաբաթվա ընթացքում տվեց ընդամենը մեկ հայտարարություն: